إنها أشيائى

انهم اصدقائى ..... هم من علمونى كيف اكون ... وكيف يكون تفكيرى ....هما من قاموا بتشكيل حسناتى... وسيئاتى ....هم عندما لا يكون احد بجانبى ... يكونوا هم .... لا اشعر بوحدة .... ولا اشعر بملل ... ولا اشعر باى شىء ... سوى الاستمتاع بهما ... انهم.... الراديو ... والتلفزيون ... والكمبيوتر .... انهم انا .. لكن فى صورة أخرى

يمكن بحس ان ابويا وامى مربونيش زى ما الراديو والتلفزيون والكمبيوتر ربونى ويمكن متاثرتش فى حياتى زى ما اتاثرت بيهم

ويمكن ناس كتير كدا...

يمكن يكون فى صحاب وكتب ودراسة وحاجات كتيرة بس دول مش عارف ليه ليهم الاولوية

يمكن عشان سواء احتاجتهم او محتاجتهمش موجودين ... وعمرى ما اضايقت منهم لانهم مش ممكن يعملوا حاجة تتضايقنى " هيعملوا ايه بس وهما جماد " بالعكس دا لو الواحد كان مضايق بيروح لهم لانه مش بيبقى طايق حد من البشر

الراديو : ممكن تعمل اكتر من حاجة وانت بتسمعه بالعكس انت وانت بتعمل الحاجة اللى انت بتعملها مش هتحس بالوقت لا وهتحس بالونس وهتحس ان فى حد معاك وقد ايه الواحد بيتربط بيه وقد ايه العقل الباطن بيتاثر بيه "عشان بيسيبه سهران طول الليل "

التلفزيون : اكتر حاجة مؤثرة فى التربية ... انت بتشوف ناس جواه سواء بقى ممثلين فى المسلسلات او سياسيين فى النشرة او مجرمين فى خلف الاسوار ... تحس انك بتتعلم منه كتير عشان فى ناس كتير بس انت بتبقى مرتبط باللى بيتعرض ليك ...

الكمبيوتر : يمكن يكون جمع ما بين كلا من التلفزيون والراديو وطبعا فى حاجات اكتر بس يمكن اكتر ما ميزة ان انت اللى المسئول عن العرض يعنى تشوف انت عاوز تشوف ايه نفسك تحط جواك ايه .